Айни кунларда вилоят ҳокимининг ўринбосари Окибжон Инамов раҳбарлигидаги Наманган вилояти делегацияси қатор соҳаларда ҳамкорлик алоқаларини йўлга қўйиш мақсадида Япония давлатида бўлиб турибди. Бу ҳақда вилоят ҳокимлиги ахборот хизмати хабар берди.
Ташрифнинг илк кунида Япониянинг қурилиш, йўлсозлик, канализация тармоғини барпо этишга ихтисослашган йирик компанияси - Shimuzu Corporation вакиллари Такаши Ивата ҳамда Юхико Нашимото билан учрашув ўтказилди. Унда дастлаб, япон компанияси имкониятлари тақдимоти намойиш этилди.
Йиллик буюртмалари ҳажми 15 миллиард долларга тенг бўлган Shimuzu Corporation вакилларига Наманган шаҳрида барпо этилиши режалаштирилаётган Namangan city лойиҳасини амалга оширишда иштирок этиш таклифи берилди. Таклиф ижобий қабул қилиниб, биргаликда лойиҳаларни амалга оширишга келишилди.
