Олий Мажлис ҳузуридаги фонд НТТ ва ОАВ учун грантлар танловларини эълон қилди

Олий Мажлис ҳузуридаги жамоат фонди “2017-2021 йилларда Ўзбекистон Республикасини ривожлантиришнинг бешта устувор йўналиши бўйича ҳаракатлар стратегияси”да ҳамда “Халқ билан мулоқот ва инсон манфаатлари йили” Давлат дастурида белгиланган вазифаларни амалга оширишга ННТларни фаол иштирокини таъминлаш” ҳамда «Мамлакатда рўй бераётган демократик ислоҳотларнинг аниқ натижалари тўғрисида миллий ва хорижий аудиторияни хабардорлигини ошириш, сўз эркинлигини ва ахборот олишни, ОАВ янада либераллаштиришни таъминлашга кўмаклашиш»  мавзуларида давлат грантлари ажратиш учун 2017 йилдаги 1 ва 2-танловларини эълон қилди.
Танловга нодавлат нотижорат ташкилотлари, оммавий ахборот воситалари ва фуқаролик жамияти бошқа институтларининг ижтимоий аҳамиятга молик лойиҳа буюртманомалари қабул қилинади.
Бир лойиҳа учун ажратиладиган грант миқдори 25 миллион сўмгача этиб белгиланган. Ҳужжатлар 2017 йил 27 февралдан 3 апрелгача қабул қилинади.
Танловлар йўналишлари  ҳамда ҳужжатларни тақдим этиш шартлари ва намуналари билан Олий Мажлис ҳузуридаги жамоат фондининг www.fundngo.uz расмий веб-сайтида танишиш мумкин.

Биз Twitterда