Қримда АҚШнинг 32-президенти Франклин Рузвельтга ёдгорлик ўрнатилади. Ялта шаҳри ҳокимияти апрель ойида унинг очилиш маросими ташкил этишни режалаштирган, деб ёзади ТАСС.
Ёдгорлик айнан унинг номи билан аталадиган кўчада барпо этилади. Бу кўча Ялтанинг асосий проспекти ҳисобланиб, 1960 йилда 1945 йилги Ялта конференциясида фаол иштирок этиб, дунё тинчлигига ҳисса қўшган давлат арбоби шарафига номланган.
2005 йилда бу тарихий конференциянинг 60 йиллиги муносабати билан Франклин Рузвельт музейи ҳам ташкил этилганди.
Бу воқеа АҚШ ва Россия алоқалари янги босқичга ўтаётган бир пайтда, ўзаро алоқаларни мустаҳкамланишида катта ўрин тутишига ишонгимиз келади, - дейди шаҳар раҳбари Андрей Ростенко.
