Шимолий Кореянинг NKOREAN туризм агентлиги Россияда ўзининг фаолиятини бошлади. Бу ҳақда РБК хабар қилади.
Шимолий Корея туризм ширкатининг танитиш учун ўтказилган матбуот анжуманида иштирок этган Россия туризм агентликлари президенти Сергей Голов, “NKOREAN катта муваффақиятга эришишини кутса бўлади. Сабаби, бизнинг туристлар томонидан бу йўналишга қизиқиш катта” деб таъкидлади.
NKOREAN фаолиятини Шимолий Кореянинг Москвадаги элчихонаси дастаклаб бориши билдирилди.
Ўз навбатида, Шимолий Корея элчихонаси маслаҳатчиси Ким Сен Хун, россиялик туристларнинг хавфсизлиги тўла таъминланишини, мамлакатнинг ядровий қуввати бунинг кафолатлай олишини айтиб ўтди.
