Sports Interactive: Ўзбекистон терма жамоаси 2026 йилги жаҳон чемпионатида иштирок этади!

Article
Британиянинг Sports Interactive студияси ўзи дастурлаган Football Manager 2017 ўйини воситасида 2026 йилги жаҳон чемпионатини моделлаштирди.
Компьютернинг сунъий зеҳнига кўра ишловчи бу дастурга фақат бугунги кундаги терма жамоалар ҳақида статистик маълумотлар киритилади. Компьютер эса ўзи жамоаларнинг келгуси фаолият йўлини моделлаштиради.
Демак, Sports Interactiveнинг ҳисобига кўра, 2026 йилги жаҳон чемпионати АҚШда бўлиб ўтади. Унда Ўзбекистон терма жамоаси билан бирга қуйидаги терма жамоалар иштирок этади:
Австралия, Англия, Аргентина, АҚШ, БАА, Бельгия, Бразилия, Буркина-Фасо, Гана, Гаити, Германия, Голландия, Гондурас, Жазоир, Жанубий Корея, Ирландия, Исландия, Испания, Италия, Колумбия, Конго, Коста-Рика, Кот д’Ивуар, Кюрасао, Мексика, Миср, Нигерия, Панама, Перу, Польша, Португалия, Саудия Арабистони, Сенегал, Словакия, Тунис, Туркия, Уругвай, Уэльс, Франция, Хитой, Хорватия, Чили, Швейцария, Эквадор, Эрон, Янги Зеландия, Япония.
Эътибор қилинг, МДҲ мамлакатларидан фақатгина Ўзбекистон бу ЖЧга йўлланма олиши айтилмоқда.
Дастур башоратига кўра финалда Аргентина устидан 2-1 ҳисобида ғалаба қозонган Франция жаҳон чемпиони унвонини қўлга киритади, ғалаба тўпини ўйин тугашига 12 дақиқа қолганда Поль Погба киритади.
Яхши ҳамки, шундай башоратлар бор, ҳеч бўлмаса, компюьтер дастурларида Жаҳон чемпионатига йўлланма оляпмиз. Йўқса...охирги ҳолатга қарайдиган бўлсак, Бабаян билан бу иш анча қийин...

Биз Twitterда