Нью-Йоркнинг собиқ мэри, йирик медиа-магнат Майкл Блумберг Америка президентлиги учун сайловолди курашда иштирокини бошламоқда.
Мамлакат раҳбари лавозимига номзодликни рўйхатдан ўтказиш учун ҳужжатлар тақдим этган Блумберг ишга астойдил бел боғлаган кўринади. Унинг сиёсий рекламаси ҳафталик намойиши 30 млн. долларга тушмоқда.
Душанбадан эътиборан Американинг йигирмата штатида унинг олти секундлик телевизион роликларини намойиши бошланади. Журналистларнинг таҳминига кўра у сайловолди кампаниясига миллиард доллардан кам маблағ сарфламайди.
