Қозоғистон Премьер-лигаси вакили, Кўкчатовнинг “Окжетпес” клуби 28 ёшли сербиялик ҳужумчи Марко Обрадович билан шартнома имзолади. Сўнгги пайтда Беларуснинг “Торпедо-БелАЗ” клуби сафида тўп сурган ҳужумчи, Қозоғистон жамоаси билан бир йиллик шартнома имзолади.
Босния ва Герцоговинанинг sportsport.ba нашри хабар беришича, Обрадович Қаршининг “Насаф” клубига ўтиш арафасида бўлган. Бироқ сўнгги паллада “Окжетпес” таклиф қилган юқорироқ маош сербиялик ҳужумчининг қарорини ўзгартириб юборган.
Марко Обрадович ўз фаолияти давомида Бельгиянинг “Эйпен”, Босния ва Герцоговинанинг “Радник”, Қозоғистоннинг “Актобе”, Россиянинг “Енисей” каби жамоаларида тўп сурган, Сербия ўсмирлар ва ёшлар терма жамоалари аъзоси бўлган.
