Америка Қўшма Штатлари президенти Дональд Трамп Иккинчи жаҳон урушида қозонилган ғалабанинг 75 йиллиги муносабати билан 9 май куни Москвада ўтказиладиган парадда иштирок этиш истаги борлигини маълум қилди. ТАСС хабар қилишича, АҚШ раҳбари ушбу тантанада иштирок этиш учун таклиф олганини тасдиқлаган.
«Бу вақт сиёсий мавсумнинг энг қизғин палласига тўғри келади. Шундай экан буни бажара оламанманми, кўраман. Лекин боришни истаяпман», - таъкидлади у.
Французлар етакчиси Эммануэль Макрон Россия президенти Владимир Путиннинг тантаналарда иштирок этиш таклифини қабул қилган.
Ушбу тадбирда жаҳоннинг кўплаб давлатлар етакчилари иштирок этиши кутилмоқда.
