Россия енгил атлетикачилари яна нишонда

Article
Германиянинг ARD телеканали 2015 йилнинг ноябрида Россия енгил атлетикачиларинг оммавий допинг қабул қилишлари ҳақида кўрсатув тайёрлаганди. Унда Россия спортидаги коррупция ва ноқонуний ишлар ёритилганди. Бу кўрсатув қаҳрамони сифатида ўртага чиққан енгил атлет Юлия Степанова бор "маҳорати"ни ўз юрти спортини қоралашга бағишлаганди. Матбуотда шов-шув кўтарилиши, халқаро антидопинг ассоциациясининг текшируви, бу можароларнинг кульминацион нуқтаси сифатида рус енгил атлетларининг Рио-2016 олимпиадасидан четда қолиши билан якунига етганди.
Энди яна шу можаро, енгил атлетикадаги допинг муаммолари ҳақида немис телеканали катта кўрсатув тайёрлаб, якшанба куни эфирга узатмоқчи. Бу ҳақда  Анастисия Баздирева маълум қилган. RT ушбу спортчи билан суҳбатлашиб, батафсил маълумот олишга эришди.
“Пайшанба куни, телеканал вакиллари мен билан боғланишди. Бир неча саволлар билан мурожаат қилиб, унга шанба куни соат 10:00га қадар жавоб беришимни сўрашди. Мен эса рад жавобини бердим. Бу сафарги  кўрсатувда енгил атлетикада айтарли ютуққа эриша олмаган  Андрей Дмитриев асосий қаҳрамон сифатида эфирга чиқади. У бунга қадар ҳам рус спортини ботқоққа ботиришда, ўз блогида "жонкуярлик" билан фаолият олиб бораётганди. Энди телеканал мукофотидан умидвор “допинг жабрдийдаси”  спортдаги қилвирликларни очиб ташлар эмиш”, - дейди Баздирева.
Маълумотларга кўра, Дмитриев 7 январь куни немисларга интервью берган. 23 январь куни эса IAAF (Халқаро енгил атлетика федерациялари ассоциацияси) вакиллари Москвада Дмитриев билан учрашишади. 

Биз Twitterда