Photo: www.gazeta.uz
28 ноябрдан 5 декабргача АҚШнинг Анахайм шаҳрида оғир атлетика бўйича жаҳон чемпионати ўтказилади. Буни жаҳон чемпионати деб аташ ҳам қийин, энг яхшиси АҚШга олтин медал олиб беришга мослаштирилган халқаро турнир деса тўғрироқ бўлади.
Россия, Хитой, Қозоғистон, Беларусь, Озарбайжон, Арманистон, Туркия, Украина ва Молдова терма жамоалари допинг билан боғлиқ сабабларни рўкач қилган ҳолда бу мусобақадан четлаттирилган...
Ўзи жаҳон чемпионати Малайзияда бўлиб ўтиши керак эди. Лекин ўтган йили ташкилий масалаларда мураккабликлар мавжудлиги айтилиб, чемпионат улардан олиб қўйилган ва Анахаймга берилганди.
2015 йилги, ўтган галги жаҳон чемпионати ҳам АҚШда, Хьюстонда ўтказилганди. Медаллар ҳисоби бўйича дастлабки уч ўринни Хитой (6 олтин, 4 кумуш), Россия (2 олтин, 3 кумуш, 2 бронза), Қозоғистон (2 олтин, 1 кумуш, 1 бронза) эгаллашганди. Озарбайжон ва Беларусь биттадан олтин медални қўлга киритганди. Турк ва армани атлетлар ҳам кумуш медалларини олиб кетишганди... Алоҳида даст ва силтаб кўтариш бўйича эса медалларда эса Хитой нақ 19 та олтин медал олиб, барчани ҳайратга солган, ўз спортчилари учун боши эгик томошабинларни диққат қилганди...
Сабаби, 1997 йилдан бери бирор марта ҳам оғир атлетикада олтин медални қўлга киритолмаган АҚШ спортчилари, 2015 йилги чемпионатда лоақал бирорта бронза соҳиби ҳам бўла олишмаганди...
Сиёсатни спортга аралаштиргандан кейин, унинг спортлиги қоладими? Эркак бўлиш керак, эркакча чиқиб эркакча курашиш керак. Эркакча деганимиз ҳалол, кучига ишониб деган маънода, шунинг учун бу аёллар спортига ҳам тааллуқли. Эркак бўлмаганлар эса лозим кийиб кашта тиксин, Руслан Нуриддиновдек паҳлавонлар қаршисига чиқиб беллашаман демасин!
Бу ҳолатда ҳатто ўйлаб кўриш керак, керакми бизга бундай чемпионат деб. Қўшниларимизни қўллаб-қувватлаган ҳолда боррмаслик керак бу мусобақага, бизнинг оладиган олтин медалларимиз ҳам бош-кўзимиздан сизга садақа деб...
Дилмурод Жумабоев
