Европа Иттифоқининг ташқи ишлар ва сиёсий хавфсизлик бўйича бош вакили Федерика Могерини Россия томондан Европага нисбатан таҳдидни кўрмаётгани, лекин унинг айрим сиёсий қарорлари муаммолар келтириб чиқариши мумкинлигини таъкидлади. Бу ҳақда у La Stampa газетасига берган интервьюсида маълум қилган.
"Мен ишонаман, айни пайтда Сурия ва Яқин Шарқ бўйича бўлгани каби биз Россия билан турли йўналишларда иш олиб бора оламиз. Баъзи сиёсий қарорлар бизга муаммолар келтириб чиқариши мумкин, лекин умуман олганда Россия тарафдан ҳеч қандай таҳдидни кўрмаяпман. Кўплаб ҳамкорлик имкониятлари мавжуд", - деди Могерини.
Аввалроқ, Могерини Американи Европанинг ички ишларига аралашмасликка чақирганди.
