"Ювентус" ҳужумчиси Криштиану Роналду Турин клубининг Италия чемпионати 13-тури доирасидаги "Аталанта"га қарши ўтадиган ўйин қайдномасига киритилмади.
Португалиялик юлдуз ҳозиргача “А” серияда икки бор рўйхатдан четда қолган. Сўнгги бор Роналду октябрда жамоа таркибига киритилмаганди. Ўшанда у 9-турнинг "Лечче"га қарши учрашувини ўтказиб юборганди.
Футболчининг ўзи таркибга чиқарилишини Instagram саҳифасида қуйидагича изоҳлади: "Бор эътиборни тикланиш ва сафга қайтишга қаратмоқдаман".
Сўнгги икки баҳсда Роналду ўйиндан заҳирага олинган. Иккинчи ҳолатда у майдонни тарк этаркан бош мураббий Маурицио Саррининг қўлини сиқишни рад этган. "Ювентус"ни бу ҳолатга чора кўрмагани футболчилар ўртасида норозилик уйғотганди. Шундан сўнг клуб футболчининг соғилигида муаммо борлиги ҳақида хабар берди. Бу баёнотдан сўнг у Португалия термасидаги иккита ўйинда тўлиқ ҳаракат қилди.
Ушбу мавсум Роналду 10 та беллашувда майдонга тушиб, бешта голга муаллифлик қилган.
