"Наманганиккиламчикораметалл" МЧЖ ҳақида тарқалаётган видеоёзув ва маълумотлар бўйича баёнот берилди

Ижтимоий тармоқларда сўнгги кунларда “Наманганиккиламчикораметалл” МЧЖ ҳақида тарқалаётган турли видеоёзувлар ҳамда чиқишлар юзасидан МЧЖ раҳбарияти томонидан ёзма баёнот берилди.
МЧЖ директори в.б. З.Абдигапиров томонидан имзоланган баёнотда шундай дейилади:
“Наманганиккиламчикораметалл” МЧЖ ҳақида “Facebook” ижтимоий тармоғида тарқалаётган видеоёзув ҳамда турли асоссиз маълумотлар юзасидан қуйидагилар маълум қилинади:
 Ўзбекистон Республикаси Президентининг 2017 йил 15 сентябрдаги ПҚ-3277-сонли “Ўзметкомбинат” АЖ бошқаруви тизимини янада такомиллаштириш чора-тадбирлари тўғрисида”ги қарорига асосан, “Наманганиккиламчикораметалл” МЧЖ, “Узметкомбинат” АЖ филиали кўринишида қайта ташкил этилган. Бу қайта ташкил этиш жараёнида ўтказилган тафтиш натижасида “Наманганиккиламчикораметалл” МЧЖнинг Мадамин Акрамов раҳбар бўлиб ишлаган Учқўрғон участкасида 81000000 (саксон бир миллион) сўм миқдорида камомад аниқланган.
Ушбу ҳолат юзасидан “Наманганиккиламчикораметалл” МЧЖнинг ўша пайтдаги раҳбарияти номига Учқўрғон участкаси раҳбари Мадамин Акрамовдан тушунтириш хатлари олинган.
Мавжуд барча ҳужжатлар қонуний ҳал қилиниши учун 2019 йил 7 август куни Наманган вилоят прокуратурасига юборилганини билдирамиз." 
 

Биз Twitterда