Наманган билан АҚШнинг Тайлер шаҳри биродарлашган шаҳарларга айланади

 
АҚШнинг Техас штатидаги Тайлер шаҳрига ташриф буюрган Ўзбекистоннинг АҚШдаги фавқулодда ва мухтор элчиси Жавлон Ваҳабов, ушбу шаҳар мэрлигига номзод, Тайлер шаҳри кенгашининг собиқ депутати Жон Никс билан учрашди. Тўрт ой олдин Вашингтондаги тадбирда танишгач, Жавлон Ваҳабов Жон Никсни Ўзбекистонга таклиф қилганди. Энди жавоб таклифи бўлажак мэрдан тушди ва Ваҳабов ушбу таклиф доирасида Тайлерга келди.
“Наманган билан Тайлерни биродарлашган шаҳарларга айлантиришимиз керак” деди элчи Жон Никс билан бўлган учрашувда.
Ўзбекистонда бўлаётган сиёсий, ижтимоий-иқтисодий ислоҳотларни Америка ҳамжамиятида кенг тарғиб қилиш орқали иқтисодий ва инвестицион ҳамкорлик кўприкларини ўрнатишни мақсад қилган ушбу ташриф чоғида Жавлон Ваҳабов Техас университетида лекция ўқиши ҳам режалаштирилган.

Биз Twitterда