Косонсойлик оила МИБ ёрдами билан турмушини тиклади

Article
Мажбурий ижро бюроси Наманган вилоят бошқармаси томонидан алимент билан боғлиқ суд ижро ҳужжатлари ижросини таъминлашда тизимли чора-тадбирлар кўрилмоқда. Хусусан, бюронинг шаҳар ва туманлар бўлимлари томонидан маҳалла фуқаролар йиғинларида фаоллар, ажрашиб кетган оилалар билан ўтказилаётган тадбирларда алимент соҳасидаги қонунчиликка киритилган ўзгартиришлар ҳақида кенг тушунчалар бериб келишмоқда. Ўз ўрнида кенг жамоатчилик вакиллари билан ҳамкорликда оилаларни яраштиришга ҳам алоҳида эътибор қаратишмоқда.
Косонсой туманидаги Маҳдуми Аъзам маҳалласида ўтказилган тарғибот тадбиридан сўнг Қобилжон Аллаев ва Марҳабо Мамажановалар оиласи ярашишга қарор қилди, деб хабар қилади МИБ Наманган вилоят бошқармаси.
Аниқланишича, ушбу оила 2018 йилда турли сабаблар билан ажрашиб кетган эди. Фуқаролик ишлари бўйича Янгиқўрғон туманлараро судининг 2018 йил 21 май кунидаги ижро ҳужжати бўйича қарздор Комилжон Аллаев ундирувчи Марҳабо Мамажанова фойдасига вояга етмаган 2 нафар фарзандининг моддий таъминоти алимент ундириш тўғрисидаги ижро ҳужжати туман бўлими иш юритувига келиб тушган. Ушбу оиланинг яраштириш орқали бўлим ижро юритувидаги иш тамомланди.
Умуман олганда биргина Косонсой туманида жорий йилнинг январь ойида 9 та оила тикланиб, алимент ундириш тўғрисидаги ижро ҳужжатлари иш юритувидан тугатилган.

Биз Twitterда