25 ноябрь куни эрталаб Россия Федерацияси Свердловск вилояти губернатори Евгений Куйвашев бошчилигидаги делегациянинг ташрифи доирасидаги асосий тадбирлар вилоят ҳокимлиги биносида бўлиб ўтди. Бу ҳақда вилоят ҳокимлиги ахборот бермоқда.
Дастлаб вилоят ҳокими Хайрулло Бозоровнинг Евгений Куйвашев билан тор доирадаги учрашуви бўлиб ўтди. Учрашув чоғида томонлар бугунги музокараларнинг муваффақиятли ўтиши ҳамда ташриф натижасида янги келишувлар ва битимларга эришилишига умид билдирдилар.
