Наманган вилоятининг Норин туманини вилоят маркази билан боғловчи “Нориндарё” кўприги жорий йил 24 апрель куни ҳаракатланиш учун тўхтатилган эди.
Бунга 1962 йилда барпо этилган кўприкда кузатилган дарз ва ёриқлар сабаб бўлган. Уларнинг ҳолати йўловчилар ва транспорт учун хавфли кўринишга келиб қолганди.
Ҳозирда узунлиги 270 метр бўлган кўприк мукаммал таъмирланмоқда. Икки ойдан сўнг якунига етиши айтилаётган таъмирлаш ишларидан сўнг кўприкнинг эни ҳам 2 метрга кенгайиб, йўловчилар учун алоҳида йўлак барпо этилади.
