Очиғи, бугун биз мустақил Ўзбекистонда ҳалол-пок, яхши ниятлар билан, ота-боболаримиздан қолган қадриятларни эъзозлаб, ғуруримизни қўриган ҳолда инсонийликнинг юқори савиясида ҳаёт кечираётганимизни кўролмаётган шайтоний кучлар жамиятимизни заҳарлашга уринмоқдалар.
Башар фарзандига нолойиқ, эшитганда ҳам инсоннинг ғазабини қўзғатувчи беномусликларни тарғиб этиб, бунга қаршиликни “инсон ҳуқуқларининг бузилиши” деб эълон қилмоқдалар.
Ўтган дам олиш кунлари Нью-Йоркда АҚШдаги энг йирик гей-парад бўлиб ўтди. Гей-парад дегани бу – ҳеббимлар, инсонийликни унутган бесоқолбозлар, эркак бўла туриб эркакнинг тагига ётишдан завқ оладиган ҳаромиларнинг кўчага чиқиб, ўзини кўз-кўз қилиши. Ана шу бўлиб ўтган ифлослик юришида Ўзбекистонимизнинг, мустақиллигимизнинг, ўзбеклигимизнинг рамзи бўлган муқаддас байроғимизни ҳам кўтариб бир нечта разолат вакиллари қатнашганликлари интернет хабарларида ўз аксини топди.
“АҚШда ўз мамлакатимиз вакили бўлиб чиқаётганимиздан ҳамда Ўзбекистонда истиқомат қилаётган дўстларимизни қўллаётганимиздан ҳаяжондамиз. Биз ўзбеклигимизни ва ораларимизда гейлар ҳам борлигини кўрсатиб қўймоқчимиз. Бу ерда биз эркин ҳаёт кечирмоқдамиз ва гомофобияга қарши чиқиб келамиз”, - дебди "ўзбек гейлари ҳамжамиятининг" етакчиси. (ҳаромхўрларга қаранг, ўзбек деган номга иснод келтирувчилар!)
...Жинсий эркинлик шиори остида, эркак-эркак ва аёл-аёл муносабатларини жаҳоннинг кўплаб мамлакатларида қонунийлаштирилганига кўп бўлди. Аввалда консерватив руҳда бунга қарши чиққан давлатлар, жамиятлар аста-секин “оммавий маданият” таъсирида бу разолатни қабулланишга мажбур бўлдилар. Нима эмиш, инсоннинг жинси унинг руҳининг жинсига мос бўлмаган ҳоллар бўлармиш. Бу ҳолатда инсон руҳининг жинси вакили сифатида яшашни хоҳлармиш. Бу инсоннинг табиий ҳуқуқи, демократик тамойилларнинг устуни эмиш… Ё, қудратингдан! Жаҳоннинг кўплаб мамлакатларида ҳар йили гей-парадлар ўтказилиши бошланди, айнан шундай ҳамиятсиз, инсонликдан чиққан инсоният вакиллари учун гей- олд қўшимчаси билан алоҳида хизматлар йўлга қўйилди. Кўплаб шаҳарларда бесоқолбозлар маҳаллалари пайдо бўлди…
Иккинчи тўлқин келди: бир жинсли оилалар қуришга рухсат берилди. Биринчисининг юки остида қолганлар бунга қаттиқ қаршилик кўрсата олмадилар, чунки биринчи ҳолатни инсон ҳуқуқининг бир бўлаги деб тан олмоқлик натижасида иккинчисига эътироз билдириш айнан шу ҳуқуқларнинг бузилиши деб жар солинди. Ортидан бу оилаларга фарзанд боқиб олишга рухсат берилди. Қаранг, АҚШда бундай фарзандлар жамиятда ўз васийларига нисбатан ибора топишда қийналишмасин дея, 1-ота-она (parent), 2-ота-она шаклида уларни расмий номлаш жорий этилди.
Энди тиқиштиришга уринилаётгани эса инсоннинг ҳайвонга айлантириш йўлидаги ҳаракатдан бошқача номланиши мумкин эмас: Европа Иттифоқи мамлакатларида, хусусан, Франция, Бельгия, Голландия, Португалияда, АҚШнинг баъзи штатларида ота-қиз, она-ўғил, ака-сингил, опа-ука ўртасида жинсий муносабатлар қонуний тусга кирди. Яъни ота ўз қизи билан эр-хотин бўлиб яшаши унинг қонун билан ҳимояланган ҳуқуқига айланди. Бугунга келиб Швеция, Дания ва Швейцарияда айнан шундай қонун лойиҳаси устида ишланмоқда. Бундай ифлосликни жинсий норма сифатида қабул қилишга уринаётганларни инсон эмас, инсон қиёфасидаги иблис деб аташ мумкин холос.
Ўзбекистонда эркаклик ғурури азалдан юксак бўлиб келган. Оч қолиш, қийналиш, ўлимга ҳатто рози келамиз биз, лекин эркаклигимизга гап тегизмаймиз. Бундай жирканчликни Ўзбекка ёпиштиришга уринаётганлар билиб қўйсинки, белида белбоғи бор ўзбек халқи ўз авлодини шайтонийликка кириб кетишига йўл бермайди, ҳар қандай бунинг эвазига келадиган фойдадан кечишга тайёрдир.
Ўзбекистонда бу масала юзасидан жиддий жамоатчилик муҳокамаси ўтказиш, қонунларга ҳамда Конституцияга бундай ноинсонийлик тарафдорларига нисбатан уларга берилиши мумкин бўлган ягона ҳуқуқ бу – умрбодий жамиятдан ажралган ҳолда, сўнгги нафасигача якка камерада яшаш эканини белгиловчи ўзгартишлар киритиш даври келганга ўхшайди. Ўзимизни, ўз уйимизни ўзимиз асрамасак, ифлослик эшик қолиб тешикдан ҳам кириб келадигандек кўринмоқда.
Дилмурод Жумабоев
