Тошкент вилояти ҳокими Шукурулло Бобоев раҳбарлигидаги Ўзбекистон делегацияси Санкт-Петербург шаҳрида «Санкт-Петербург — Россия ва чет эл ҳудудлари» XI Петербург кичик ва ўрта бизнес партнёриатида қатнашди.
Санкт-Петербургда ҳар йили иқтисодий ҳамкорлик ва халқаро, шунингдек, минтақалараро алоқаларни ривожлантириш соҳасида йирик конгресс-кўргазма тадбирлари бўлиб, у партнёриат деб аталади
Тадбир доирасида Ўзбекистон делегацияси «Ангрен» эркин иқтисодий зонаси тақдимотини ўтказди. Форум иштирокчилари «Ангрен» ЭИЗда инвесторлар учун яратилган шарт-шароитлар ҳақида маълумотга эга бўлишди.
Ўзбекистон делегацияси Санкт-Петербургга ташрифи давомида шунингдек, қатор корхоналарни бориб кўрди. Ўзбек тадбиркорлари Россия компаниялари билан музокаралар ўтказди ва бир нечта битим имзолади. Петербург партнёриати бугун ўз ишини якунлайди.
