Япониянинг “Мицубиси Корпорейшн” ва “Мицубиси Хитачи Пауэр Системс ЛТД” компаниялари Наманган вилояти Тўрақўрғон туманидаги ҳар бирининг қуввати 450 МВт бўлган иккита буғ-газ мосламали янги иссиқлик электр станцияси қурилиши лойиҳасини амалга оширишлари маълум бўлганди.
Тўрақўрғон ИЭС қурилишининг янги тафсилотлари маълум бўлди. Манбаларимиздан олган хабарларимизга кўра, ИЭС қурилиши учун керак бўлган газ ва буғ турбиналари каби асосий технологик жиҳозлар “Мицубиси Хитачи Пауэр Системс” томонидан етказиб берилади. Муҳандислик ва қурилиш-монтаж ишларини Навоий иссиқлик энергия станцияси қурилишида иштирок этган Туркиянинг йирик “Чалик энержи” компанияси амалга оширади.
Бош буюртмачи “Ўзбекэнерго” бўлган бу иншоотда қурилиш ишлари 2017 январь ойида бошланди ва 2020 йил апрелида тўла ниҳоясига етади.
