Сирли равишда ғойиб бўлган MH370. Йўқолган Boeingни қидириш учун $100 млн. сарфланди

Article
Роппа-роса бундан уч йил бурун 2014 йилнинг 7 дан 8 мартга ўтар кечаси Куала-Лумпур - Пекин маршрути бўйича MH370 рейсини амалга ошираётган Boeing 777-200 самолёти билан алоқа йўқолиб қолади. Шундан сўнг Ҳинд океанида сирли равишда ғойиб бўлган лайнерни топиш учун ўн ой давомида қидирув ишлари олиб борилди. Лекин бу натижа бермади. 2015 йил январида Малайзия ҳукумати самолётни ҳалокатга учраганини тан олди. Бортда бўлган 239 киши ҳалок бўлган деб ҳисобланади.
Ўтган вақт мобайнида Malaysia Airlines компаниясининг Boeing учоғини қидирув ишлари учун Малайзия ҳукумати 456 млн. рингит ($102,4 млн.) маблағ сарфлади. Ҳинд океанининг жанубий қисмидаги 120 минг. кв. километр тароқлаб чиқилди.
Қидирув ишлари 17 январда тўхтатилди. Агар янги маълумот пайдо бўлса, қидирув давом эттиради. Бу ҳақда Малайзия транспорт вазири Лиоу Тионг Лай маълумот берди.

Биз Twitterда