"Манчестер Юнайтед" сардори Уэйн Рунини Хитой клубларига ўтмаслиги узил-кесил аниқ бўлди. Руни "Гуанчжоу Эвергранд" ва "Бейцзин Гуоань" клубларидан тушган таклифларни рад этди. Ҳар икки жамоа унга йилига 38 миллион евро маош тўлашга тайёр эдилар. Sky Sports хабарига кўра, “Қизил иблислар” ҳам уни қўйиб юборишга тайёр эдилар. Лекин футболчининг ўзи буни истамади.
Хитойнинг "Тяньцзинь Цюаньцзянь" клуби бош мураббийи Фабио Каннаваро ҳам жамоаси таркибига "Манчестер Юнайтед" ҳужумчиси Уэйн Руни келиб қўшилиши ҳақидаги хабарларни рад этди. Дарҳақиқат чинликлар ҳужум чизиғини кучайтириш учун ҳаракат олиб боришмоқда. Лекин ҳеч ким бу борада инглиз ҳужумчиси билан музокара олиб борган эмас. "Тяньцзинь" "Боруссия" форварди Пьер-Эмерик Обамеянгни ўз сафига таклиф қилди. Лекин немислар буни рад этишди. Шу боис клуб “Фиорентина”дан Никола Калинични сотиб олиш учун интилмоқда.
- Биз ҳақиқатдан ҳам Руни билан гаплашдик, лекин бу оддий суҳбатдан бошқа нарса эмас. У бизнинг ўйин услубимизга тўғри келмайди. Обамеянгни олмоқчи эдик, афсуски “Боруссия” таклифларимини қатъий рад этди. Шу сабабли асосий эътиборни Калиничга қаратдик. Лекин ҳозирча “Фиорентина” уни қўйиб юбормоқчи эмас. Шунинг учун мен бу борадаги мақсадимга етиш учун "Тяньцзинь" бош директори билан гаплашишим керак, - деди Каннаваро Football Italia билан суҳбатда.
Рунининг "МЮ" билан амалдаги шартномаси 2018 йил ёзида ниҳоясига етади. Матбуотда Рунини Хитой супер лигасида фаолиятини давом эттиришга розилик билдиргани ва йилига 39 миллион фунт олиши, Англия лига кубогида "Саутгемптон"га қарши ўйиндан кейин мухлислар билан хайрлашиши тўғрисида хабарлар тарқалганди.
Хитойдаги трансфер дарчаси 28 февралгача очиқ бўлади..
