Россия ҳарбий коинот кучлари ва Туркия ҳарбий ҳаво кучлари ИШИД террорчилик гуруҳига қарши ҳамкорликдаги илк ҳаво операциясини ўтказади. Бу ҳақда Россия Бош штаби бош тезкор бошқармаси раҳбари генерал-лейтенант Сергей Рудской брифингда хабар берди, дея ёзади РИА.
Сурия ҳукумати билан келишилган операция Эл Боб аҳоли пункти атрофида амалга оширилади. Унда Россиянинг тўққизта зарбдор самолётлари — тўртта Су-24М, тўртта Су-25 ва битта Су-34 бомбардимончиси, ҳамда саккизта турк самолётлари — тўртта F-16 ва тўртта F-4лар қатнашади.
Улар биргаликда террорчиларнинг 36 объектига зарба берадилар, қўшимча қилди Рудской. "Шуни алоҳида таъкидламоқчиманки, барча ишлар ҳар икки мамлакатнинг бош штаблари тизими бўйича келишиб олинган ", — деди у.
Генерал-лейтенантнинг сўзларига кўра, Турк-Россия қўшма операцияси ўзининг юқори натижасини беради.