Наманган шаҳри кўчаларидаги ўзгаришлар ҳозирнинг ўзида кўзга ташланиши керак

Наманган вилояти ҳокими Хайрулло Бозоров Наманган шаҳридаги Марғилон, Қодир Отамирзаев, Уйчи ва Ҳамроҳ кўчаларида олиб борилаётган қурилиш ва ободонлаштириш ишлари билан танишди. Бу ҳақда вилоят ҳокимлиги ахборот хизмати хабар бермоқда
 
 
Қурувчи ва йўлсозлар билан мулоқот чоғида вилоят ҳокими ушбу ҳудудларда олиб борилаётган бунёдкорлик ишларини жадаллаштириш, бунинг учун кунлик штаб ишини ташкил этиб, юзага келаётган масалаларни тезкорлик билан ҳал этиш зарурлигини таъкидланди.
 
 
—Фуқароларимиз ушбу кўчаларда рўй бераётган ўзгариш ва янгиланишларни ҳозирнинг ўзида сезиши керак. Йўллар кенгайиб, лотоклар, электр устунлари ва ёритгичлар ўрнатилиши, қуриладиган кўп қаватли уйларнинг пойдеворлари учун майдонлар очилиб, иш бошланганларида фаолият янада жонланиши талаб этилади, — деди вилоят ҳокими. 
Мазкур масалалар юзасидан шаҳар мутасаддиларига тегишли топшириқлар берилди.
 

Биз Twitterда