Наманганда "OzLiDeP юксак марраларга чорлайди" кўрик-танлови ғолиблари тақдирланди

Бугун OzLiDeP Наманган вилоят Кенгаши мажлислар залида партия ташкил топганлигининг 15 йиллигига бағишланган байрам тадбири ташкил этилди. Тадбирда OzLiDePнинг бугунги кундаги юксак марраларга эришишида бир сафда туриб меҳнат партия фаоллари ва ҳамкор ташкилотлар иштирок этишди.
 
 
 – 15 йил тарих олдида жуда қисқа муддат. Кечагидек эсимда, партия ташкил топган илк кунларда вилоят кардиология марказида бирга фаолият юритган 100 нафар ҳамкасбларим билан биргаликда OzLiDeP га аъзо бўлдик ва даслабки йирик бошланғич партия ташкилоти тузилган эди, - Олий Мажлис Сенати аъзоси, O’zLiDeP Наманган вилоят Кенгаш раиси Солижон Мўминов. – Мана бугун сафдошларимиз сони 36 мингдан ортди. Сўнгги икки ойда вилоят миқёсида аҳоли, корхона ва ташкилотлар орасида олиб борилган кенг қамровли тарғибот ва ташвиқот ишлари, амалий ёрдамлар ҳамда ўтказилган акциялар давомида 10 мингдан ортиқ фуқаролар партия сафига қабул қилинди. Ўйланманки, партия вилоят Кенгашининг бугунги кунгача эришган барча ютуқларида депутатлар, партия фаоллари ва ҳамкорларимизнинг ўрни беқиёс.
 
 
Байрам тадбирида “Энг намунали бошланғич партия ташкилоти”, “Халқ депутатлари маҳаллий Кенгашларидаги энг фаол депутат” ва “Энг намунали туман(шаҳар) партия ташкилоти” танловининг 1-, 2- ва 3-ўринларга лойиқ топилган соҳанинг фидойи ходимлари эътироф этилди. 
Республика миқёсидаги йирик ташаббуслари билан танилган таниқли депутат, саховатпарвар тадбиркор, "Маърифат китоб олами" хайрия жамоат фонди раҳбари Маъруфхон Мўминовнинг “Халқ депутатлари маҳаллий Кенгашларидаги энг фаол депутат”деб топилгани, вилоятда депутат томонидан олиб борилаётган хайрли ишларнинг партия томонидан юксак эътирофи бўлди дейиш мумкин.
 
 
Шунингдек, “Энг кўп аъзоликка қабул қилган туман Кенгаши”, “Энг яхши депутатлик гуруҳи фаолиятини ташкил этган туман Кенгаши”, “Тарғибот-ташвиқот тадбирларини намунали ташкил этган туман Кенгаши”, “Партия фаолиятини оммавий ахборот воситаларида ёритишни самарали йўлга қўйган туман Кенгаши”, “Тадбиркорлар билан самарали ҳамкорликни йўлга қўйган туман Кенгаши”, “Ёшлар қанотини фаолиятини самарали йўлга қўйган туман Кенгаши”, “Аёллар қанотини фаолиятини самарали йўлга қўйган туман Кенгаши”, “Партия билан ҳамкорликни йўлга қўйган энг яхши тадбиркор”, “Энг намунали “Ёшлар қаноти” фаоли”, “Энг намунали “Аёллар қаноти” фаоли”, “Энг намунали партия Кенгаши ходими” каби 20 дан ортиқ номинациялар бўйича партия фаолларига диплом ва қимматбаҳо совғалар топширилди.

Биз Twitterда