Микрокредит олиш ўта соддалашди! Имтиёзлардан фойдаланинг

 
Тадбиркорлик субъектлари ва барча аҳоли қатламининг имтиёзли микрокредитлардан кенг фойдаланишини таъминлаш, шунингдек, якка тартибдаги меҳнат фаолиятини рағбатлантириш орқали аҳоли бандлигини янада ошириш Ҳукуматимизнинг доимий эътиборида. "Тадбиркорлик субъектлари ва кенг аҳоли қатламига микрокредитлар ажратиш тизимини янада соддалаштириш чора-тадбирлари тўғрисида" 2017 йил 17 мартда ПҚ-2844-сонли қарор қабул қилингани  шундан далолат.
Юридик шахсни ташкил этмасдан янги рўйхатга олинган якка тартибдаги тадбиркорлар, оилавий тадбиркорлик субъектларига микрокредит ажратиш бўйича соддалаштирилган механизмни жорий этиш тўғрисидаги таклифларга кўра, янги рўйхатдан ўтган юридик шахс ташкил этмаган якка тартибдаги тадбиркорлар ва оилавий тадбиркорлик субъектларига фаолиятини амалга ошириш учун олинган товарларни гаров сифатида ҳисобга олган ҳолда энг кам иш ҳақининг 20 баробаригача миқдорда микрокредитлар ажратиш;
янги давлат рўйхатидан ўтган юридик шахс ташкил этмаган якка тартибдаги тадбиркорлар ва оилавий тадбиркорларга тадбиркорлик фаолиятини амалга ошириш учун энг кам иш ҳақининг 60 баробаригача миқдорда микрокредитлар кредитлашга оид қонун ҳужжатларида назарда тутилган таъминот турлари билан бир қаторда фуқароларнинг ўзини ўзи бошқариш органларининг "Фуқароларнинг ўзини ўзи бош­қариш органлари тўғрисида"ги Ўзбекистон Республикаси Қонунининг 11-моддасида кўрсатилган ваколатлар доирасида кафиллиги асосида ажратишни кенгайтириш кўзда тутилган.
2021 йил 1 январга қадар иловада қайд этилган фаолият турлари билан шуғулланадиган янги рўйхатга олинган юридик шахс ташкил этмаган ҳолда фаолият юритаётган якка тартибдаги тадбиркорлар ва оилавий тадбиркорлик субъектлари юқоридаги қоидаларга биноан микрокредитларни расмийлаштиришда 6 ой муддатга қатъий белгиланган солиқ тўловларидан озод этилиши;
- ушбу имтиёзлардан фойдаланадиган қатъий белгиланган солиқ тўловчилар улар давлат рўйхатига олинган кундан эътиборан ўн икки ой ичида тугатилса ёки уч ёхуд ундан кўп ой муддатга фаолиятини тўхтатса, фаолият кўрсатган даври учун қатъий белгиланган солиқларни тўлаши белгилаб қўйилди.
Шунингдек, тижорат банкларига Имтиёзли кредит бериш махсус жамғармаси маблағлари ҳисобидан узоқ ва бориш қийин бўлган, шунингдек, меҳнат ресурслари ортиқча бўлган ҳудудларда янги рўйхатга олинган юридик шахс ташкил этмасдан фаолият юритаётган якка тартибдаги тадбиркорлар ҳамда оилавий тадбиркорлик субъектларига энг кам иш ҳақининг 100 баробаригача миқдорда кредитлар ажратиш белгиланди.
Микрокредитлар қуйидаги хизмат турларига имтиёзли равишда берилиши кўзда тутилган:
Сартарошлик хизматлари, маникюр, педикюр, косметолог хизматлари ва шунга ўхшаш бошқа хизматлар.
Тикув, мўйна, чарм ва трикотаж буюмларни, бош кийимларни, тўқимачиликга лантереясидан тикилган буюмларни таъмирлаш ва тикиш, шу жумладан дераза ва эшик пардалари тикиш, трикотаж буюмларни тўқиш.
Ҳайвонлар терилари, мўйна, тўқимачилик, чарм буюмлар ва бошқа буюмларни ошлаш ва бўяш.
Якка буюртмалар бўйича пойабзал тайёрлаш ва тикиш, пойабзални таъмирлаш, бўяш ва тозалаш.
Атторлик буюмларини тайёрлаш ва таъмирлаш.
Бижутерия ва жевакларни тайёрлаш ва таъмирлаш.
Калитлар тайёрлаш.
Инвентарни (хўжалик, спорт, балиқчилик ва ҳоказо инвентарь) таъмирлаш ва тайёрлаш.
Кесувчи буюмлар ва асбобларни чархлаш.
Мебелни йиғиш ва таъмирлаш, мебелларни безаш.
Оптика, соатларни таъмирлаш ва металл, пластмасса, керамика, чинни, тош, картондан тайёрланган буюмларга ўймакорлик ишлари (рельефли ёзувлар ва тасвирлар тушириш).
Радиоэлектрон аппаратлар, маиший машиналар, маиший приборлар, офис машиналари ва ҳисоблаш техникасини таъмирлаш, ўрнатиш ва уларга техник хизмат кўрсатиш.
Санитария-техника хизматлари ва пайвандлаш ишлари.
Шиша ва ойналарни қирқиш, шишага бадиий ишлов бериш.
Миллий ширинликлар, пишлоқ маҳсулотлари ва қурт, нон-булка ва қандолатчилик маҳсулотлари, поп-корн, фрезерда муз­қаймоқ, салатлар ва тузламалар тайёрлаш ва сотиш, шунингдек, уй шароитларида ёки маҳаллий давлат ҳокимияти органларининг қарори билан ажратилган махсус жойларда ўтириш жойлари ташкил этмасдан доналаб сотиладиган таомларнинг айрим турларини тайёрлаш.
Дизайн бўйича хизматлар (график, интерьер, мебель ва ҳоказолар), шунингдек, чизмачилик-графика ишлари, рассомлик санъати.
Аквариум балиқлари, декоратив қушлар ва бош­қа ҳайвонларни кўпайтириш ва сотиш.
Пахта (илгари истеъмолда бўлган) ва жун тозалаш ҳамда титиш хизматлари.
Алоҳида таъкидлаш жоизки, қарорда мамлакатимиздаги узоқ ва бориш қийин, меҳнат ресурс­лари ортиқча бўлган ҳудудлар рўйхати ҳам кўрсатилган. Бу олис туманлар тадбиркорлари ва барча фуқаролари учун катта имтиёз ва қулайликдир.
Камолиддин ТУРДАЛИЕВ,
Анваржон КАРИМОВ.

Биз Twitterда