Голландларни фашист деб атаган Эрдоған чегарадан чиқдими?

Article
Туркия ташқи ишлар вазири Мевлют Чавушоғлу бугун маҳаллий вақт билан соат 17:00да (Тошкент вақти билан 21:00) Голландияга ташриф буюриши ва мамлакатдаги турк диаспораси билан учрашиб, Эрдоғаннинг конституцион ислоҳотлари ҳақида тушунча бериши лозим эди. Лекин голланд ҳукумати вазирнинг мамлакатга кириши учун рухсат бермади. Бу эса икки давлат ўртасидаги муносабатларнинг ўта совуқлашиб кетишига сабаб бўлди. Бундан қони қайнаган Туркия президенти Режеп Таййип Эрдоған голландларни “нацистлар давомчилари” ва “фашистлар” деб атади. Эрдоған танқид билан чекланмасдан, ҳали голландларнинг бу қилмишлари учун Анқара бунга яраша ўзига хос жавоб беришини таъкидлади.
Нидерландия бош вазири Марк Рютте бунга изоҳ берар экан, Эрдоғаннинг чегарадан чиқиб кетганини таъкидлади.
"Албатта бу ақлсизларча берилган баёнот. Уларнинг хафа бўлишганини тушуниб турибман. Лекин Эрдоған чегарадан чиқиб кетди", - деди Рютте.

Биз Twitterда