Франциялик Ирис Миттенар «Олам гўзали» танловининг мутлоқ ғолиби бўлди. Филиппин пойтахти Манилада ўтказилган уч соатлик шоуда у барча рақибларидан ўзиб кетиб, дунё гўзалига айланди, деб хабар беради Reuters.
Миттенар 24 ёшда, айни пайтда стоматолог бўлиш учун таҳсил олаётир. Мукофот унга насиб этганидан ҳайратда эканини маълум қилиб шундай деди: “Олам гўзали" бўлиш орзу эди, ҳар бир қиз "Олам гўзали" бўлишни истайди. Мукофот менга насиб этганидан бошим осмонда”.
Конкурсда 86 қиз иштирок этди. Иккинчи ўрин Гаити вакиласи Ракель Пелизье, учинчи ўрин эса колумбиялик Андреа Товарга насиб этди
Миттенар ушбу танловда ғолиб чиққан иккинчи француз бўлди. Бунга қадар 1953 йилда Лоррен Кристиан Мартель ушбу унвонга лойиқ кўрилганди.
«Олам гўзали» танлови «Дунё гўзали», «Мисс интернешнл» ва «Ер гўзали» каби тўрт энг нуфузли гўзаллик танловларининг бири ҳисобланади. Унда 18-26 ёш оралиғидаги турмушга чиқмаган қизлар иштирок этишади.
