Бу қиш электр муаммоси камаяди: Ўзбекистон Қирғизистондан электр энергияси сотиб олиш бўйича иккинчи шартномани имзолади!

 
Қирғизистон билан Ўзбекистон ўртасида жорий йил декабридан 2018 йил мартигача электр энергияси таъминоти бўйича шартнома имзоланди. Бу ҳақда “Миллий энергетик холдинг компанияси” ОАЖ бошқарув раиси Айбек Калиев 17 октябрь куни Бишкекда ташкил этилган матбуот анжуманида маълум қилди.
Қирғизистон Ўзбекистонга бу даврда 550 млн кВт/соат электр энергияси экспортини амалга оширади. Шартнома бўйича етказиб бериладиган электр энергиясининг 1 кВт/соатига 2,4 центдан нарх белгиланган. Ўзбекистон бу шартнома бўйича Қирғизистонга 13 млн 200 минг АҚШ доллари миқдорида пул тўлайди.
Бу Қирғизистон учун бу йил Ўзбекистон билан имзоланган иккинчи шартномадир. Аввалроқ Қирғизистон Ўзбекистонга 1 кВт/соатига 2 центдан, жами 25 миллион АҚШ долларилик 1,25 млрд кВт/соат электр энергияси етказиб бериши бўйича шартнома имзолангани билдирилганди.

Биз Twitterда