Билл Клинтон ва Моника Левински можароси яна кун тартибида

Article
 «Америка жиноятлари тарихи» (American Crime Story) бўлган воқеаларга асосланган криминал сериал-антология бўлиб, унга бундан икки йил муқаддам Скотт Александр ва Ларри Карашевскилар асос солишганди. Сериалнинг илк премьераси 2016 йил 2 февралида FX каналида намойиш этилганди. Биринчи мавсум «Халқ О. Жей Симпсонга қарши» деб номланган бўлиб, хотини ва болаларини қасддан ўлдирганликда айбланиб, кейин оқланган Америка футболи ўйинчиси Жей Симпсон фаолиятига бағишланганди. Сериал кутилмаганда катта машҳурликка эришди. Ушбу сериал “Олтин глобус” мукофотининг икки номинациясида ғолиб бўлди. “Америка киноактёрлар гильдия”сининг учта совринига эга бўлди. Бундан руҳланган муаллифлар унинг кейинги қисмларни ишлашга тушиб кетишди. Сериалнинг иккинчи ва учинчи мавсумларида «Катрина» тўфони ҳамда Versace бренди асосчиси Жанни Версаченинг ўлдирилиши ҳақида ҳикоя қилинади. Тўфон Америка тарихидаги вайронкор фожеалардан бири бўлиб, унинг натижасида 1600 киши ҳаётдан кўз юмган ва 800 минг киши электр энергия ва телефон алоқасисиз қолганди. Жанни Версаче эса 1997 йилда ўз уйининг пиллапоясида ёлланма қотил Эндрю Кьюен томонидан отиб кетилганди. Қотил орадан бир неча кун ўтиб, полициячилар келганда ўзини ўзи ўлдирганди.
Бугун сериалнинг тўртинчи мавсуми нима ҳақда бўлиши маълум қилинди. Унда АҚШ собиқ президенти Билл Клинтон ва котибаси Моника Левински ўртасидаги можаро ҳақида ҳикоя қилинади. Клинтоннинг ишқий можароси ҳақидаги сериал Жеффри Тубин асари асосида суратга олинади. FX телеканали вакилларининг маълум қилишича, иккинчи ва учинчи мавсум 2018 йилда экранларга чиқади. Демак, тўртинчисини биз 2019 йилдан аввал кўра олмаймиз, дея ёзади Ньюстес.

Биз Twitterда