Автосалонлар умуман "шапка" ололмайдиган бўлди: Автомобилларга буюртма интернет орқали амалга оширилади

 
GM Uzbekistan компанияси шу йил октябрь ойидан бошлаб интернет тармоғида автомобилларга буюртма беришни амалга ошириш имконини берувчи UzAvto Friend порталини ишга туширади. Бу ҳақда Podrobno.uz ахборот агентлигига компаниянинг режалаштириш ва мувофиқлаштириш дирекцияси директори Алишер Комилов маълумот берди.
Бу порталнинг ишга тушиши билан GM Uzbekistan автомобилларини сотишда дилерларнинг ўрни йўқолади. Улар фақатгина автомобилни эгаси топшириш ҳамда кафолат хизмати кўрсатиш билан шуғулланишади.
UzAvto Friend порталида ҳар бир мижоз ўзига шахсий саҳифа очиб, у ерда керакли моделдаги автомобилни танлаш, мавжудлигини текшириш, рангини белгилаш, буюртма бериш ҳамда шартнома тузиш имкониятига эга бўлади.
Қисқачаси, автосалонларга “шапка” беришга умуман ҳожат қолмайди.

Биз Twitterда