Россия президенти Владимир Путин ички ишлар ва фавқулодда вазиятлар вазирликлари тизимида фаолият олиб бораётган тўрт генерални ўз лавозимидан озод этди. Шунингдек, Тергов қўмитасининг Москва вилояти бўйича бош бошқармаси бошлиғи ўринбосари ҳам ишдан бўшатилган.
Президентнинг бу ҳақдаги фармони ҳуқуқий ахборот расмий порталида эълон қилинди.
Қуйидагилар лавозимларидан озод этилдилар:
— полиция генерал-майори Н.Н.Аксенов, ИИВнинг Амур вилояти бошқармаси бошлиғи;
— полиция генерал-майори Н.Н. Афанасьев, ИИВнинг Приморье ўлкаси бошқармаси бошлиғи;
— полиция генерал-майори В.Н. Половников, Коми республикаси ички ишлар вазири;
— адлия полковниги А.Г.Сарафанов, Тергов қўмитасининг Москва вилояти бўйича бош бошқармаси бошлиғи ўринбосари;
— генерал-лейтенант Р.Х.Яхьев, ФВВнинг Чеченистон республикаси Бош бошқармаси бошлиғи.
