Америка-Исроил муносабатларига бағишланган бош мақолада яҳудийлар бош вазири Беньямин Нетаньяху билан актёр Алек Болдуиннинг йирик пландаги сурати чоп этилиб, ўқувчилар қўлига етиб борди.
1966 йилдан бери фаолият кўрсатиб келаётган Доминикананинг El National газетаси ҳар куни катта ададларда чоп этилиб, Марказий Американинг энг обрўли нашрларидан бири ҳисобланади. Жума кунги сонда АҚШ президенти Дональд Трамп ўрнида уни пародия қилиб юриши билан янада машҳур бўлаётган актёр сурати босилган. Шанба куни нашр ўз расмий сайтида кечирим сўради.
"El National барча ўқувчиларидан кечирим сўрайди", - дейилади хабарда. Таъкидланишича, Болдуиннинг Трамп қиёфасидаги сурати хатолик туфайли Американинг NBC телеканали “Saturday Night Live” кўрсатувидан олинган.
Алек Болдуин инаугурациядан кейинги Трампга қарши намойишларнинг фаол иштирокчисидир. Актёр кўплаб митинг ва телешоуларда президентга тақлид қилиб чиқишлар қилади.
Трампнинг лавозимга киришишидан олдинроқ Болдуин, "Make America Great Again" ("Американи яна буюк қиламиз") шиорини рус тилида бейсболкасига ёзган ҳолда сурат эълон қилганди. Шу ўринда лозунг матни хатолар билан таржима қилингани "Сделать америки здорово снова" (тўғри таржимаси - "Сделаем Америку снова великой") вазиятни янада кулгили тус олишига замин яратганди. Сурат Болдуиннинг Instagramдаги саҳифасида қўйилиб, катта шов-шувга сабаб бўлганди.
