Инаугурация маросими ҳам ўтди, парадлар ҳам... Байрам кечасига бағишланган баллар ҳам ниҳоясига етди. Энди янги президентнинг янги иш куни бошланди. Ҳа бежизга бу хабарнинг ҳозир бермаяпмиз. Дональд Трампнинг биринчи иш куни энди бошланмоқда.
АҚШнинг 45-президентнинг инаугурация маросими ўзи ваъда берганидек қойилмақом тарзда ўтди. Ташкилий жиҳатларда муаммо бўлмади. Шунингдек унинг шарафига ўтказилган ҳарбий парадни ҳам қисқароқ бўлишини истади. Обама пайтидаги 2013 йилда ўтказилган парад 3 соатда ошиқ давом этганди. Трамп эса бунга икки соатдан камроқ вақт сарф этилишини истади.
Трамп аввалги маъмурият пайтида сўзлари эшитилмаган инсонлар, энди иззат-эътиборда бўлишларини таъкидлади. Яна у ҳокимиятни халққа топширишини, халқнинг истаги биринчи ўринда бўлишига алоҳида урғу берди. "Яна Американи буюк қиламиз", "Америка ҳамма нарсадан устун", "Террор ва бузғунчиликка йўл йўқ". Шу каби шиорлар унинг нутқини безади.
