Туркия президенти ташрифи тафсилотлари: Эрдоған 30 апрель-1 май кунлари Ўзбекистонда бўлади. Тошкентдан Сеулга кетади.

 
Туркия Жумҳурияти президенти Режеп Таййип Эрдоғаннинг Ўзбекистонга давлат ташрифи тафсилотлари аниқ бўлди. Vodiymedia.uz сайтининг Туркиядаги ҳамкор манбалардан олган ишончли хабарига кўра, Эрдоған 30 апрель-1 май кунлари Ўзбекистонда бўлади. 29 Апрель, якшанба куни Истанбулдан йўлга чиқадиган Туркия раҳбари, кейинги икки кунни Ўзбекистонда ўтказиб, Тошкентдан давлат ташрифи билан Жанубий Кореяга, Сеулга йўл олади.
30 апрель куни Тошкентда Ўзбек-Турк бизнес форуми ҳам бўлиб ўтади.
Ўзбекистонда валюта бозорининг либераллашуви Турк ишбилармонлик муҳити томонидан мамлакатимизнинг жаҳон иқтисодиётига интеграциясини тезлаштирган омил сифатида кўрилмоқда. Бу нуқтаи назардан 30 апрель куни бўлиб ўтадиган Ўзбек-Турк бизнес форумида иштирок этиш учун келаётган туркиялик ишбилармонлар туризм, қишлоқ хўжалиги ва озиқ-овқат саноати, қурилиш маҳсулотлари ишлаб чиқариш, қишлоқ хўжалик маҳсулотларини қайта ишлаш, енгил саноат технологиялари, энергетика, кончилик, текстил, автомобил саноати, кимё саноати ва бошқа соҳаларда ҳамкорлик масалаларини муҳокама қилишни мақсад қилишгани маълум бўлди.
 

Биз Twitterда