Озарбайжон ва Эрон раҳбарларининг ўзаро ҳамкорликдан кўнгиллари тўқ

Article
Бир кунлик ташриф билан Эронда бўлиб турган Илҳом Алиев икки давлат ўртасидаги ҳамкорлик юқори даражада эканлигини таъкидлаб ўтди. Мезбон мамлакат раҳбари Ҳасан Руҳоний билан учрашув чоғида Алиев сўнгги йилларда ўзаро муносабатларда юз берган катта ўзгаришлардан жуда хурсанд эканлигини маълум қилди.
"Эрон-Озар муносабатларининг муваффақиятли тараққий топаётгани бизни жуда хурсанд қилади. Кўплаб муҳим соҳаларда биргаликда иш олиб бормоқдамиз. Бир қатор ечимини кутаётган масалалар борасида келишувга эришганмиз. Тарихан илдизлари бир-бирига боғлиқ юртлар ҳудди шундай алоқада бўлиши керак", - деди Алиев.
Ўз навбатида Руҳоний, ўтган йиллар мобайнида икки давлат ўртасидаги муносабатлар “жадаллик билан ривожлангани ва кенгайгани”ни таъкидлаб ўтди. "Бу бизга келажакка ишонч билан боқишимиз учун асос бўла олади", - деди Эрон президенти.

Биз Twitterда