"ЎЗБЕК ЙЎЛБАРСЛАРИ" "КУБАЛИК ҲАЙВОН ЎРГАТУВЧИЛАР"НИ "ҒАЖИБ ТАШЛАШДИ"!

ФОТО: www.facebook.com/uzbektigers.uz
 
Самарқанд шаҳрида Uzbek Tigers (Ўзбек йўлбарслари) ва Cuba Domadores (Кубалик ҳайвон ўргатувчилар) жамоалари боксчилари ўртасида Бутунжаҳон бокс серияси (WSB)нинг чорак финал баҳси дастлабки учрашуви якунланди.
49 кг вазнда Ҳасанбой Дўсматов Жоханус Аргилагосни, 56 килограмда Муроджон Аҳмадалиев Хавьер Ибаньесни енггач, ҳисоб 2:0 кўринишини олди. Бироқ учинчи беллашувда рингга чиққан ҳамюртимиз Иқболжон Холдоров Анди Крузга имкониятни бой бергач, Исроил Мадримов ва Арлен Лопез қарама-қаршилиги кескин курашларга бой бўлди. Исроилнинг ишончли ғалабаси умумий ҳисобни бизнинг фойдамизга бўлишини таъминлагач, сўнгги баҳсда ёш умидли боксчимиз Санжар Турсунов Эрислэнди Савонга енгилсада, умумий ғалаба биз томонда бўлди 3:2!!!
Жавоб учрашуви 19 май куни Куба пойтахти – Гавана шаҳрида бўлиб ўтади. Боксчиларимизга зафар тилаб қоламиз!

Биз Twitterда