Германиянинг Гамбург шаҳрида яқинда бўлиб ўтган бокс бўйича жаҳон чемпионати якунидан сўнг, Халқаро ҳаваскор бокс ассоциацияси (AIBA) дунё бокс ишқибозлари ўртасида Жаҳон чемпионатининг энг яхши боксчисини аниқлаш бўйича сўров ўтказди.
Сўровга 2017 йилги жаҳон чемпионларидан энг кучли тўрттаси танлаб олинди.
Ишқибозлардан тўрт карра жаҳон чемпиони, Рио Олимпиадаси ғолиби кубалик Хулио Сесар ла Крус, жаҳон чемпиони, Рио Олимпиадаси кумуш медали соҳиби француз Софьян Умиа, жаҳон ва Европа чемпиони, украин Александр Хижняк ҳамда ҳамюртимиз, Рио Олимпиадаси кумуш медали соҳиби, Осиё чемпиони, ёшлар ўртасида жаҳон чемпиони Шаҳрам Ғиёсов орасида Жаҳон чемпионатининг энг яхши боксчисини аниқлаш сўралди.
Сўров натижалари эълон қилинди: Шаҳрам Ғиёсов 2017 йилги Жаҳон чемпионатининг энг яхши боксчиси деб топилди!
Овоз беришда иштирок этганлардан 56 фоизи Шаҳрам Жаҳон чемпионатининг энг яхши боксчиси бўлганини эътироф этди. Хулио Сесар ла Крус 15%, Софьян Умиа 12%, Александр Хижняк эса 17% ишқибозларда яхши таассурот қолдиргани маълум бўлди.
Бу Ўзбек боксининг яна бир катта халқаро миқёсдаги ютуғи бўлди! Табриклар, Шаҳрам Ғиёсов!!!
