Фазлиддин Ғойибназаровнинг тренери Аброр Турсунпўлатов энди россиялик машҳур боксчи Сергей Ковалёвга ҳам устозлик қилади

Foto: https://www.instagram.com/sergeykrusherkovalev/
 
Россиялик машҳур профессионал боксчи, ўрта оғир вазнда 2014-2016 йилларда WBA ҳамда IBF версияларида, 2013-2016 йилларда WBO версиясида жаҳон чемпиони, WBO шахсий камари (2015) ва WBC бриллиант камари (2015) соҳиби, 2014 йилда кўплаб дунё рейтингларида “Йилнинг энг яхши профессионал боксчиси” деб топилган Сергей Ковалёв энди ўзбекистонлик таниқли бокс устози, Фазлиддин Ғойибназаровнинг тренери Аброр Турсунпўлатовга шогирд бўлди.
“Бугун Аброр Турсунпўлатов қўл остида машғулотларни бошладим. Қандай тайёрланиш керак, нима қилиш керак, бу борада ҳамфикрмиз. Худо насиб қилса, ҳамкорлигимиз бокс ҳаётимга янги ютуқлар келтиради” деб ёзди ўз Инстаграм саҳифасида Сергей Ковалёв.
Эслатиб ўтамиз, Ковалёв 25 ноябрь куни АҚШда, Нью-Йоркдаги Madison Square Garden саройида украиналик Вячеслав Шабранскийга қарши рингга чиқади.

Биз Twitterда