Зарина Низомиддинова: "Эстрада учун сарфлаган вақтимга ачинмайман!"

Ўзбек кино санъатининг ёрқин юлдузларидан бири Зарина Низомиддинова фаолияти матбуотда кўп муҳокама этилаётгани сир эмас. Зарина мухлислари кўплиги бўйича ҳамкасблари орасида олдинги ўринларда туради. Бундан ташқари у ижтимоий тармоқларда ҳам жуда фаол. Шу боис унинг ҳар бир қадамию кийган либоси турли мунозараларга сабаб бўлиши одатий тусга кирган.
Зарина Шоҳруҳхоннинг концертида саҳнага кийиб чиққан калта либоси борасида танқидга учрагани ва бундан хулоса чиқарган ҳолда иккинчи кунда уни узайтириб олганини айтиб ўтди. “Ҳар қандай танқидни тўғри қабул қиламан. Мухлисларимни ҳурмат қилганим учун ўзимни ўзгартирдим. Биз улар билан бормиз” – дейди акстриса.
“Эстарада соҳаси учун сарфлаган вақтимга ачинмайман. Қўшиқларим менинг учун эсдалик бўлиб қолди. Шоу-бизнесда муваффақиятсизликка учраганим йўқ. Фақат мухлислар мени кўпроқ актриса сифатида қабул қилишларини тушуниб етдим. Шу боис бор эътиборни шу соҳадаги фаолиятимга бағишлаганим маъқулроқ. Лекин сўнгги пайтларда савияли сценарийнинг йўқлиги туфайли кинода суратга тушмаяпман. Таклифлар бор. Лекин уларнинг бирортасидан қониқиш ҳосил қилолмайсан киши”, - дейди Зарина Низомиддинова ҳозиргина Жасур Ҳамроевнинг ижтимоий тармоқда уюштирган онлайн суҳбатда.

Биз Twitterда