Турк киносидаги энг гўзал жуфтлик – актёрлар Бурак Озчивит ва Фахрия Эвжен Германияда тўйдан олдинги унаштириш маросимни ўтказишди. Тадбир оилавий даврада, кичик ҳажмда ўтказилди.
Германиянинг Золинген шаҳри акрисанинг туғилган шаҳри бўлиб, айнан шу ерда бироз аввалроқ Бурак бўлажак турмуш ўртоғини қўлини сўраганди. Фахриянинг ота-онаси шу ерда истиқомат қилишади. Маросим ҳам Золингенда ўтказилди.
Бурак Озчивит ва Фахрия Эвжен бундан уч йил бурун суратга олиш майдончасида танишиб қолишганди. Шундан сўнг уларнинг муносабатлари жиддий тус олди. Шу йилнинг ёз ойида уларнинг тўйи бўлиши режалаштирилган. Тўйга кенг миқёсда тайёргарлик ишлари давом этмоқда.
Январь ойида араб бизнесмени турк актёрлари жуфтлигига асал ойини Дубай ёки Қатарда ўтказишлари учун икки миллион доллар таклиф этганди.
