Тереза Мэй Vogue муқовасидаги илк бош вазир бўлади

Article
Американинг жаҳонга машҳур Vogue журнали бош муҳаррири Анна Винтур ўз ўқувчиларини қаҳрамонлар танлашда ажаблантиришда давом этмоқда. Бу сафар матбуотда Тереза Мэй иштирокида уюштирилган фотосессия қизғин муҳокама этилмоқда. Мэй хоним машҳур журнал муқовасида товланган Буюк Британиянинг биринчи бош вазири бўлади, дея ёзади Сплетник.
“Суратларнинг  дунё юзини кўриши апрелга белгиланган” – дея хабар беради бош вазир девонхонаси вакили.
Ғарб нашрларининг ёзишича, ушбу махфий фотосессия Анна Винтур бошчилигида Энни Лейбовиц муаллифлигида Мэй қароргоҳида ўтган ҳафтада ташкил этилган.
Шуни таъкидлаш лозимки, Мэй журналда сурати чоп этилган биринчи бош вазир бўлмайди. Унга қадар, Туманли Альбионнинг ҳукуматига раҳбарлик қилган Маргарет Тэтчернинг суратлари бир неча бор журналнинг Британия версияда чоп этилган. Лекин “Темир хоним” муқовага бирор марта чиқарилмаганди.  

Биз Twitterда