photo: https://mediastream.jumeirah.com
Ўзбек санъатига хорижда эътибор ошаётгани яна бир бор ўз исботини топмоқда. Ўзбек эстрадаси юлдузи Юлдуз Усмонова 13 октябрь куни Дубайда концерт бериши Араб Амирликлари матбуотининг асосий мавзуларидан бирига айланди. “Ўзбекистонлик санъаткор ўз қўшиқларини ўзбек, турк, рус, араб ва тожик тилларида тақдим этади” деб ёзмоқда маҳаллий нашрлар.
Концерт Дубайдаги Мадина театрида бўлиб ўтади. 2004 йили очилган бу театр Амирлик пойтахтида биринчи театр бўлиб, шаҳардаги энг мартабали санъат кошонаси ҳисобланади.
Концерт учун чиқарилган афишаларда Юлдуз Усмоновага “Марказий Осиёнинг энг яхши овози” деб сифат берилган.
