Эртанги кун бизники, марра бизники!

Article
 
 
 
Эртанги кун бизники,
марра бизники!
Ислом КАРИМОВ
 
 
 
БИРИНЧИ ПРЕЗИДЕНТИМИЗ
ХОТИРАСИГА
 
Боболардан мерос муқаддас замин,
Эъзозлаб яшаймиз ортиғу камин.
Ўзига бек бўлиб бу жаҳон аро,
Шукрким, биз кўрдик истиқлол даврин.
Шу озод, ҳур Ватан барчамизники,
Эртанги кун бизники, марра бизники!
 
Раҳнамо бўлдингиз ҳар савоб ишда,
Файзу барака бор, туриш, турмушда.
Ҳатто сахий қуёш меҳрин аямас,
Ёғду сочаверар баҳору қишда.
Шу озод, ҳур Ватан барчамизники,
Эртанги кун бизники, марра бизники!
 
Енгилмай ирода энг оғир чоғда,
Ғараз кўз тикканлар қолдилар доғда.
Бунёдкор халқимиз энг катта бойлик,
Зоғларга ўрин йўқ бу чаман боғда.
Шу озод, ҳур Ватан барчамизники,
Эртанги кун бизники, марра бизники!
 
Катта йўлдан дадил борар карвони,
Осуда эл, мусаффодир осмони.
Боқий бўлсин, кўз тегмасин эркига,
Асрлардан ошаверсин даврони.
Шу озод, ҳур Ватан барчамизники,
Эртанги кун бизники, марра бизники!
 
 Шуҳрат ДЕҲҚОНОВ
 

Биз Twitterда