Наманган вилояти прокурорининг туманларда ёшлар билан ўтказаётган учрашувлари доирасида 29 январь куни Ўзбекистон мудофаасига кўмаклашувчи “Ватанпарвар” ташкилоти Наманган вилояти кенгаши тасарруфидаги Учқўрғон туман ўқув спорт техника клубига қарашли картадромда ёшлар ўртасида вилоят прокурори кубоги учун картинг пойгаси ҳамда пневматик қуролдан ўқ отиш бўйича вилоят биринчилиги ўтказилди.
400 дан зиёд ёшларни бирлаштирган ҳамда 85 нафар спортчи иштирокида ташкил этилган спорт тадбирида вилоят прокурори Акмалхўжа Мавлонов, прокурор ўринбосарлари, Учқўрғон туман ҳокимлиги ҳамда давлат ва жамоат ташкилотлари вакиллари, журналистлар иштирок этдилар.
Мусобақа ғолибларига вилоят прокуратурасининг эсдалик совғалари ва “Ватанпарвар” ташкилоти вилоят кенгашининг фахрий ёрлиқлари топширилди.
Тадбир давомида "Ватанпарвар" ташкилотининг спорт техникалари кўргазмаси, ракетамоделлаштириш ва авиамоделлаштириш спорт секциясининг кургазмали намойишлари тақдим этилди.
