Томскдаги ёнғинда 3 нафар навоийлик, 1 нафардан андижонлик ва самарқандлик ҳамюртларимиз ҳалок бўлган. Қолганларнинг шахси аниқланмоқда

Томскдаги ёнғинда 3 нафар навоийлик, 1 нафардан андижонлик ва самарқандлик ҳамюртларимиз ҳалок бўлган. Қолганларнинг шахси аниқланмоқда.
 
 
Россия Федерацияси Томск области, Асино тумани, Причулмск аҳоли яшаш пункти, Свобода кўчасидаги 1/3-уйда содир бўлган ёнғинда Навоий вилоятининг Қизилтепа туманидан 3 нафар, Самарқанд вилоятининг Каттақўрғон туманидан 1 нафар ва Андижон вилоятининг Андижон туманидан 1 нафар ҳамюртимиз ҳалок бўлгани маълум бўлди.  
vodiymedia.uz  таҳририяти  Россия Федерацияси Тергов қўмитасининг Томск вилояти бўйича Тергов бошқармаси ахборот хизмати билан боғланиб, юқоридаги тасдиқланган маълумотларни олди.  
Тергов бошқармасидан берилган маълумотга кўра, ёнғинда жами 11 киши ҳалок бўлган. Шундан 5 нафар Ўзбекистон Республикаси фуқароси, 1 нафар Россия фуқаросининг шахси аниқланган. Қолганларнинг фуқаролиги ва шахсини аниқлашнинг имконияти ҳозирча мавжуд эмас. Бунинг учун генетик экспертиза талаб этилиши маълум қилинди.  

Биз Twitterда