Туркия Ҳамкорлик ва мувофиқлаштириш агентлиги (ТИКА) Ўзбекистонда кўкаламзорлаштириш лойиҳасига қўл урди, деб хабар қилди Туркиянинг Анадолу агентлиги.
ТИКА томонидан баён қилинишича, Агентлик Туркия Ўрмон ва сув ишлари вазирлиги ҳамда Ўзбекистон қишлоқ хўжалиги ва сув ишлари вазирлиги билан ҳамкорликда Амударё дельтаси соҳилида беш минг гектар майдонда ўрмонларни табиий шароитда қайта тиклаш ва ўрмон хўжаликларини моддий-техник таъминлаш лойиҳасини амалга оширишга бошлади.
Турк мутахассислари тайёргарлик ишлари якунлаб, лойиҳани амалга ошириш бўйича иш тақвимини Ўзбекистон идораларига тақдим этди.
ТИКА делегациясини қабул қилган Туркиянинг Ўзбекистондаги фавқулодда ва мухтор элчиси Ахмет Башар Шен бу лойиҳа мамлакатларимиз муносабатларининг ривожига жиддий ҳисса қўшишини таъкидлади.
