Наманган вилоятида 5 нафар коронавирус инфекцияси билан касалланган фуқаро аниқланди, 72 ёшли аёл вафот этди

Куни кеча Наманган шаҳрида 1 нафар фуқарода коронавирус инфекцияси аниқлангани ҳақида баёнот берилганди. Бу ҳақда Наманган вилоят ҳокимлиги ахборот хизмати хабар бермоқда. 
 
 
Бугун ҳам шуни ташвиш билан қайд этамизки, Туркия орқали умра зиёратига бориб келган Наманган шаҳрида яшовчи 1969 йилда туғилган аёл ўзидан ташқари яна 4 нафар оила аъзосига – онасига, қизига, набирасига ҳамда синглисига коронавирус инфекциясини юқтирган. Энг ёмони, бу аёлнинг юрак касаллиги билан оғриган 72 ёшли онаси коронавирус инфекцияси юқтириш оқибатида кеча тунда сурункали касалликлардан вафот этди.
Ушбу фуқаро 12 март куни Истанбул-Тошкент рейси билан учиб келиб, 24 мартгача уй карантинида бўлган, сўнгги кунларда эса вилоят юқумли касалликлар шифохонасига карантин кузатувида бўлган. 

Биз Twitterда