Тошкент вилоятининг 4 та туманига янги ҳокимлар тайинланган. Вилоят матбуот хизматининг хабар қилишича, Бўка, Паркент, Қуйи Чирчиқ ва Пискент туманларида ҳокимлар ўзгарган.
Бўка туманида эндиликда Холбоев Худойберди Назарович янги ҳоким бўлган. У ўтган йилнинг кузида тайинланган Кучиев Мирзамашраб Раззоқович ўрнида иш бошлади. Холбоев Бухоро вилояти Солиқ инспекцияси раҳбарлигидан туман ҳокимлигига ўтказилган.
Қуйи Чирчиқ туманига Раҳимов Ботир Хуларганович янги раҳбар бўлди (собиқ ҳоким Абдуразақов). Шунингдек, Пискент туманига Акрамов Абдусамат Йўлчибоевич (собиқ ҳоким Ботир Алимбеков), Паркент туманига Абдуллаев Неъматжон Озодович (собиқ ҳоким Алимов Ўктам) янги ҳокимлар сифатида тайинланган.
