Ўзбекистон Республикаси ҳарбий прокурорининг икки нафар ўринбосари тайинланди. Бу ҳақда Ҳарбий прокуратура хабар бермоқда.
Қайд этилишича, адлия полковниги Баҳодир Каримбердиевич Худойбердиев Ўзбекистон Республикаси бош прокурорининг 2020 йил 3 март кунидаги 223-сонли буйруғи билан Ўзбекистон Республикаси ҳарбий прокурорининг биринчи ўринбосари лавозимига тайинланди.
Шунингдек, адлия майори Сарвар Сатторович Муҳитдинов Ўзбекистон Республикаси бош прокурорининг 2020 йил 3 март кунидаги 225-сонли буйруғи билан Ўзбекистон Республикаси ҳарбий прокурорининг ўринбосари лавозимига тайинланди.
Ўтган ой аввалида генерал-майор Шуҳрат Узоқов бош прокурор ўринбосари - Ўзбекистон Республикаси ҳарбий прокурори этиб тайинланганди.
